Domingo, Outubro 17, 2021
Total visitors: 584029

Ministeriu Asuntu Kombate Libertasaun Nasional (MAKLN) identifika ona ema nian 3,000 mak falsifika dokumentu veteranus hodi hetan osan.

Ministru MAKLN, Vidal de Jesus ‘Riak Leman’, hateten falsifikasaun dokumentu ne'ebe mak komete husi ema 3,000 ne'e hahu husi 2012 mai to'o ohin loron.

Ministru MAKLN, Vidal de Jesus ‘Riak Leman’, hateten falsifikasaun dokumentu ne'ebe mak komete husi ema 3,000 ne'e hahu husi 2012 mai to'o ohin loron no dokumente ne'ebe sira falsifika mak hanesan partisipasaun luta iha ai laran tinan ida, maibe tau fali tinan lima, mate iha vila laran dehan fali mate iha ai laran, no seluk tan.

"Ema nain 3,000 ne'e ita identifiksa liu husi monitorizasaun ne'ebe mak ekipa husi konselhu veterus iha Timor laran," nia hateten.

Nia dehan, ema hirak ne'ebe falsifika dokumentu ne'e prosesu investigasaun hotu ona hein deit atu aprezenta ba ministeriu publiku hodi prosesu tuir lei ne'ebe mak vigor iha Timor-Leste.

"Ema 3,000 ne'e ita tenke prosesu tanba hahalok falsifikasaun dokumentu ne'e kontra lei, ne'e krimi," MAKLN Riak Leman informa.

Nia hateten, ema hirak ne'e sei aprezanta ba prosesu nune'e bele hetan sansaun hodi responsabilidade ba aktu krimi ne'ebe sira komete.

Tanba ne'e, nia husu ba veteranu hotu bainhira trata dokumentu tenke koalia buat ne'ebe mak realidade no labele falsifika dokumentu tanba ne'e krimi.

Entretantu, Membru Parlamentu Nasional, Deputadu Jose Agustinho Sequeira Somotcho dehan, ema halo dokumentu falsu ba veteranus ne'e barak tebes, tanba ne'e ekipa monitorizasau tenke servisu makas hodi identifika no submete ba prosesu.

"Veteranus ne'e sagradu tanba ne'e se deit mak juramentu falsu rai lulik Timor-Leste kuidadu tanba ne'e ita husu atu fo deklarasaun ne'ebe los no labele bosok," Somotcho dehan.

Nia hateten, ba sira ne'ebe identifika ona tenke prosesu tuir dalan legal nune'e lori ba para hotu iha prizaun ne'eba labele husik sira livre no hahalok kriminozu ne'e.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04