Domingo, Outubro 17, 2021
Total visitors: 584029

Kandidatu Falintil Forsa Defesa Timor-Leste (F-FDTL) hamutuk nain 600 aprovadu ona no hein submete ba Sentru Formasaun Tereinu (CFT) Metinaru hodi tuir treinamentu militar nian.

Xefi Estadu Maior F-FDTL, Brigadeiro Jeneral, Calisto Santos "Coliati", hateten membru foun nain 600 ne'e aprovadu ona husi teste ne'ebe mak durante ne'e sira tuir hahu husi selesaun dokumentu, to'o teste fiziku nian.

Xefi Estadu Maior F-FDTL, Brigadeiro Jeneral, Calisto Santos "Coliati", hateten membru foun nain 600 ne'e aprovadu ona husi teste ne'ebe mak durante ne'e sira tuir hahu husi selesaun dokumentu, to'o teste fiziku nian.

Nia dehan, kadidatus foun nain 600 ne'e maioria husi veteranos nian oan no minoria ne'e selesionadu no prense duni rekezitos ne'ebe fo sai husi komisaun.

"Kandidatu F-FDTL foun nain 600 ne'ebe aprovadu ona ne'e sei submete ba Sentru Formadaun Tereinu (CFT) Metinaru hodi tuir treinamentu konaba militar nian," Brigadero Coilati hateten.

Nia dehan, kandidatu hirak ne'e mai husi munisipiu hotu iha Timor-Leste laran, tanba ne'e husu ba joventudi sira ne'ebe mak pasa ona tenke hakbesik an ba kada munisipiu hodi bele hare naran nune'e bele mai aprezenta an iha Kuartel Jeral F-FDTL Fatuhada, iha Dili, iha dia 22 hodi prepara an nune'e dia 27 setembru bele hahu tuir ona formasaun.

"Ita nian membru foun hirak ne'e dia 27 ita intrega ba CFT Metinaru nune'e bele tuir formasaun hodi prepara sira nian koinesimentu konaba militar nian," nia saliente.

Alende ne'e nian dehan, ba kadetes foun ne'ebe atu aprezenta an, tenke simu ona vasina kompletu, bainhira la aprezenta an tuir data ne'eb hasai ona, maka komandu F-FDTL liu husi komisaun rekrutamentu sei halo kedas.

Entretantu, membru foun Natalino dr Jesus Gusmao hateten, orgulho tebes tanba bele pasa iha teste ba F-FDTL.

"Hanesan jerasaun foun buat ne'ebe hau hakarak halo ba rai ida ne'e mak hau nia kontribuisaun no prontu atu servi ho defende rai lulik ida ne'e," kandidatu Gusmao hateten.

Alende ne'e nia dehan, hanesan mos veteranos nia oan, prontu nafatin atu hatutan, inan aman nia ain fatin lulik Falintil nian hodi ba oin no espritu patriotismu no nasionalismu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04