Sexta, Janeiro 21, 2022

Xefe Estadu Maior Jeral Falintil-Forsa Defesa Timor-Leste (F-FDTL), Tenente General Lere Anan Timur, hatete kadetes foun ne'ebe liu ona seleksaun hodi tama ba F-FDTL tinan 2021 ne’e, tenki hakruk ba regras militar nian ne'ebe maka hatur iha instituisaun laran.

Xefe Estadu Maior Jeral Falintil-Forsa Defesa Timor-Leste (F-FDTL), Tenente General Lere Anan Timur, hatete kadetes foun ne'ebe liu ona seleksaun hodi tama ba F-FDTL tinan 2021 ne’e, tenki hakruk ba regras militar nian.

Nia dehan, kandidatu neebe involve iha arte marsiais tenki intrega hotu atributu no fardas ba institusiaun antes halo juramentu F-FDTL hodi servi nia Povu.

“Parabens ba imi imi bele liu ona husi teste hotu husu atu kopera ho Forsa Defesa Timor Leste, no hau husu ba imi atu hatene respeita, disiplina, no kumpri ordem saida deit maka komandu fo sai, no hakruk ba regras sira ne'ebe maka iha instituisaun nia laran,” Jeneral Lere hateten.

Nia hateten, sai militar laos hanesan funsionariu seluk, militar institusiaun ida ne'ebe maka todan no difisil tebes tanba sai lutu nasaun nian.

"Husu ba imi kadetes foun nain 600 ne'e tenke kumpri regras instituisaun nian nune'e imi bele hola parte iha instituisaun militar ho remata.

Iha militar la autoriza nia membru ida atu involve an iha arte marsiais, tanba membru hotu tenke kuntribui ba lutun nasaun la os sadere ba grupu," nia hateten.

Iha fatin hanesan, kadete foun F-FDTL Natalino Gusmao hateten bainhira nia hola parte iha instituisaun militar nia prontu husik hela grupu ne'ebe mak antes ne'e nia hola parte ba, tanba hakarak atu kontinua inan-aman nia ain fatin hodi servi povu no nasaun.

"Hau prontu lao tuir juramentu ne'ebe ami promete katak hau prontu fo hau nia vida hodi servi ho hau nia matan ba hau nia rai," nia informa.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04