Sexta, Janeiro 21, 2022

Governu liu husi Ministeriu Interior husu prezensa membru Polisia Nasional Timor-Leste (PNTL) nian 24 oras halo seguransa iha postu polisia sira hodi kontrola movimentu transporte hotu nune'e bele mos halo prevensaun ba asidente transitu.

Primeiru Ministro no Ministru Interior (MI) Taur Matan Ruak hateten postu polisia hotu ne'ebe mak funsiona ne'e prezensa polisia nian menus liu hodi halo seguransa ba movimentu transporte no ba komunidade sira iha kapital Dili.

Primeiru Ministro no Ministru Interior (MI) Taur Matan Ruak hateten postu polisia hotu ne'ebe mak funsiona ne'e prezensa polisia nian menus liu hodi halo seguransa ba movimentu transporte no ba komunidade sira iha kapital Dili.

Nia dehan, postu polisia tenke okupa 24 oras no labele husik mamuk no tenke kuidadu fasilidade sira nune'e bele utiliza iha tempu naruk.

"Ita husu prezensa polisia nian tenke 24 oras hodi asegura seguransa ba komunidade no labele husik postu mamuk," Ministru MI Ruak hateten.

Nia dehan, prezensa polisia iha fatin publiku ne'e mos kontribui ba redusaun dezastre iha dalan publiku, nune'e mos bele ajuda motorista no kondutor sira halo movimentu ho kuidadu.

"Atu evita ema tohar no mate barak iha estrada ne'e responsabilidade bo'ot polisia nian, karik ita bo'ot sira halo ida ne'e lori susesu bo'ot ba imi nia servisu," nia salienta.

Alende ne'e nia dehan, iha postu polisia ne'e kontrola deit movimentu rodaviaria deit maibe tenke halo mos prevensaun ba krimi iha fatin publiku.

Entrentu, Komandante Jeral PNTL Komisario Faustinho da Costa hateten, postu polisia permanente sira komandu sei koloka membru hodi reforsa seguransa iha postu hodi asegura komunidade sira.

"Ita postu polisia hirak ne'e sei la destaka deit membru tranzitu, maibe ita orienta ona membru husi unidade sira bele reforsa seguransa iha ne'eba durante 24 oras," nia dehan.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04