Sexta, Janeiro 21, 2022

Polisia Nasional Timor-Leste (PNTL) la permiti motorista sira kondus kareta ka motor iha dalan publiku no kondisaun lanu, tanba krime liga ba artigu kodigu penal, lei numeru 208.

Komandante Tranzitu Munisipiu Dili, Inspetor Polisia Domingus Sarmento Gama, hateten iha lei numeru 208 koalia katak ema ne'ebe kondus kareta ka motor iha estrada publiku labele konsumu alcohol.

Komandante Tranzitu Munisipiu Dili, Inspetor Polisia Domingus Sarmento Gama, hateten iha lei numeru 208 koalia katak ema ne'ebe kondus kareta ka motor iha estrada publiku labele konsumu alcohol, bainhira nia konsumu ne'e konsidera krimi.

Nia dehan, dalabarak motorista sira ne'ebe involve iha asidente iha dalan pubiku ne'e tanba kondisaun lanu no halai ho velosidade maka'as, ikus mai lakontrola no rezulta asidente.

"Liu husi lei numeru 208 ne'e polisia bandu motorista hotu ne'ebe kondus kareta no motor labele konsumu alkohol, bainhira polisia identifika lanu mak halo movimentu polisia sei kaptura no supmete ba prosesu tanba ne'e krimi," Komandante Tranzitu Dili Gama informa.

Tanba ne'e, nia apela dala ida tan, liliu kondutor sira ou motorista sira wainhira kondus motor ka kareta labele konsumu alcohol.

"Atu identifika motorista bainhira lanu ita iha ona ekipamemtu ida ne'ebe mak bele utiliza hodi identifika katak motorista motor ka kareta ida ne'eba ne'e ho kondisaun kamu mak halo movimemtu," nia informa.

Nia dehan, maioria motorista sira iha Dili laran ne'e halo movimentu ho kondisaun lanu depois la kumpri sinais tranzitu ne'ebe funsiona iha dalan publika.

Entretantu, Diretor Fundasaun Mahein Sancho Xavier hateten, importante tebes ba polisia liu-liu seksaun tranzitu hodi aplika lei numeru 208 ne'e hodi kriminaliza kondutor kareta no motor sira ne'ebe mak kondutor lori ho kondisaun lanu.

"Ita hare asidente barak ne'ebe akontese ne'e tanba kondutor lanu no halai la kontrola an, ikus soke balun mate no balun tohar kanek," FM Xavier hateten.

Nia dehan, lei ne'e nesesariu tebes atu implementa nune'e bele halo prevensaun ba asidente trafiku ne'ebe mak akontese iha teritorriu laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04