Sexta, Janeiro 21, 2022

Membru Polisia Nasional Timor-Leste (PNTL) ba oin bainhira utiliza arma tenke tuir formasaun pisikolojika no fizika, no bainhira aprova mak iha direitu utiliza arma, no bainhira la pasa sei la bele utiliza arma.

Komandante Jeral PNTL, Komisariu Faustino da Costa, hateten atu kontrola membru sira utiliza arma polisia atualiza ona Norma Operasaun Polisia (NOP) foun hodi identifika lolos membru se mak utiliza arma.

Komandante Jeral PNTL, Komisariu Faustino da Costa, hateten atu kontrola membru sira utiliza arma polisia atualiza ona Norma Operasaun Polisia (NOP) foun hodi identifika lolos membru se mak utiliza arma.

Nia dehan NOP foun refere katak membru hotu ne'ebe mak utiliza arma tenke pasa iha formasaun pisikolojika no fisika, la pasa sira labele utiliza.

"Membru sira ne'e hotu tenke tuir formasau pisikolojika no fisika, hotu mak ita halo teste se mak pasa kuntinua utiliza, no la pasa ita foti fila arma ne'ebe mak antes ne'e sira utiliza," nia informa.

Nia dehan, NOP foun ne'e mos kontrola konaba bainhira mak foti arma no bainhira mak utiliza no bainhira mak rai no utiliza iha tempu saida ne'e kompleto.

"NOP foun ne'e fasilita tebes komandu hodi kontrola nia membru sira ba utilizasaun arma nune'e hodi hamenus kazu violasaun direitos humanus," nia salienta.

Entretantu, Komandante Sentru Formasaun PNTL, Superintendente Xefi Arquimino Ramos, hateten manual formasaun utilizasaun forsa ne'e lansa ona iha tinan 2019, maibe paradu tiha tanba iha konflitu ho regulamentu uza forsa nian.

"Maibe komandu PNTL ho parseriu Timor-Leste Program Development (TLPDP) halo fali revizaun no ohin hahu lansa fali NOP ne'e," Komandante CFP Ramos hatete.

Nia dehan, ba membru ne'ebe mak iha direitu ba utiliza arma tenke pasa iha ezame aptidaun, no psikolojiku mak bele uza.

Nia hateten, ba membru hotu hahu husi ajente to superior se mak pasa tenke iha mos ID card no hakerek iha kotuk Aptu mak iha direitu se La-Aptu entaun nia la iha direitu no komandu sei rekolha fila fali arma.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04