Sexta, Janeiro 21, 2022

Militar nain 60 husi Komponente Forsa Naval Lizeria nain 60 preparadu ona hodi halo operasaun ba ro rua ne'ebe mak ofrese husi governu Australia.

Xefe Estadu Maior Falintil Forsa Defesa Timor-Leste (F-FDTL) Brigaderio Jeneral Calisto do Santos "Coliati" hateten, militar nain 60 ne'e tuir ona formasaun hahu husi 2019 iha Australia nune'e mos iha Naval Hera.

Xefe Estadu Maior Falintil Forsa Defesa Timor-Leste (F-FDTL) Brigaderio Jeneral Calisto do Santos "Coliati" hateten, militar nain 60 ne'e tuir ona formasaun hahu husi 2019 iha Australia nune'e mos iha Naval Hera.

"Konaba rekursus humanu ita preparadu ona memebru militar nain 60 ne'e espesifiku ba operasaun ro," nia dehan.

Nia dehan, membru pelotaun rua ne'e iha konhesimentu diak konaba tekniku eletrisidade, makina ro nian no konaba buat hotu ne'ebe iha ro laran iha espesialidade ida-idak nian.

"Sira nain 60 ne'e mak sei responsabiliza ba ro rua ne'ebe mak governu Australia sei ofrese mai ita iha tinan 2023 fulan juliu," Brigaderio Coliati hateten.

Nia dehan, membru pelotaun rua ne'e kompostu husi mane no feto hotu iha Komponente Naval Lizeria Hera.

Iha parte seluk Prezidente Komisaun B Trata Asuntu Defesa no Seguransa Iha Parlamentu Nasional, Jose Agustinho Sequera Somotxo hateten, preparasaun rekursu humanus ne'e parte importante ida, tanba bainhira ro ne'e to'o mai Falintil Forsa Defesa Timor- Leste (F-FDTL) mak tenke utiliza rasik laos militar Australiano mak opera.

"Ita tenke prepara uluk ema nune'e ro ne'e mai ita nia militar liu-lii forsa Naval mak tenke kaer rasik hodi asegura fronteira maritima ho Australia," nia salienta.

Alende ne'e nia dehan, membru sira ne'ebe mak tuir ona formasaun durante ne'e sira halo operasaun ba ro kiik rua ne'ebe mak governu Australia ofrese uluk ne'e diak tebes.

"Ita hare sira mos iha konhesimentu diak hodi utiliza rasik ro no fiar katak 2023 ro ne'e sira sei opera ho diak nune'e bele utiliza iha tempu naruk," nia dehan.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04