Sexta, Janeiro 21, 2022

Postu tranzitu iha fornteira Batugade no Salele durante funsionamentu durante fulan neen (3) nian laran kuntribui ona resitas humutuk $34,000 ba kofre estadu Timor-Leste nian.

Postu tranzitu iha fornteira Batugade no Salele durante funsionamentu durante fulan neen (3) nian laran kuntribui ona resitas humutuk $34,000 ba kofre estadu.

Komandante Tranzitu Nasional, Superientendente Joao Belo dos Reis, hateten postu tranzitu rua refere hahu funsiona iha fulan Julhu mai to'o Outobru ne'e, hodi kontrola movimentu transporte hotu ne'ebe mak tama no sai husi fronteira inkliu transporte pezadu sira.

Nia dehan, reseita sira ne'e rekolla husi transporte estranjeriu sira ne'ebe mak durante ne'e halo movimentu mai Timor-Leste liu husi nasaun vizinu Indonesia husi fronteira terestre, husi Mota-ain Batugade, no Mota-masin Salele.

"Total reseitas ne'ebe ita rekolla no kontribui ona ba kofre estadu hamutuk $34,000 husi movimentasaun rai vizinhu Indonesia mai Timor-Leste no bazeia ba dekretu lei numeru 28/2017 konaba sirkulasaun transporte estranjeiru sira," Komandante Tranzitu Nasional Superientendente Belo hateten.

Nia hateten, reseitas hirak ne'e rekolla tuir durasaun transporte estranjeiru tama mai Timor to'o loron hira selu mos tuir loron hira ne'ebe mak nia tama no sai fali.

"Transporte estranjeiru ka pezadu sira ne'ebe tama Timor loron ida selu $7, ne'e tuir tabela ne'ebe mak iha tiha ona," nia hateten.

Alende ne'e nia dehan, tranzporte hirak ne'e tama mai Timor membru tranzitu ne'ebe mak destaka iha postu rua ne'e halo cek point ba dokumentu nune'e taka stiker konaba autorizasaun nune'e mos selu nian.

Entertantu Diretor Fundasaun Mahein Sancho Xavier hateten, transporte ka ema husi estranjeiru tama Timor tenke liu husi dalan legal no prense kriteriu hirak ne'ebe mak governu aprova ho implementa husi parte polisia liu-liu iha fronteira.

"Orgullu tebes tanba liu husi esforu polisia no governu bele instala ona postu integradu rua iha fronteira terrestre hodi kontrola moventu transporte estranjeiru hotu ne'ebe halo movimentu tama no sai husi Batugade no Salele, hodi implementa lei no rekolla reseitas ba kofre estadu," Diretor FM Xavier hateten.

Nia dehan, antes seidauk instala postu tranzitu iha fronteira movimentasaun transporte husi estranjeiru mai Timor la selu taxa ba kofre estadu, maibe dadaun ne'e bele selu ona liu husi servisu postu integradu tranzitu nian iha fronteira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04