Sexta, Janeiro 21, 2022

Konfrontasaun entre grupu artes marsiais ne'ebe mak akontese iha Munisipiu Baucau no iha kapital Dili, polisia kaptura ona autor balun hodi submete ba prosesu investigasaun no legal nian.

Konfrontasaun entre grupu artes marsiais ne'ebe mak akontese iha Munisipiu Baucau no iha kapital Dili, polisia kaptura ona autor balun hodi submete ba prosesu investigasaun no legal nian.

Komandante Jeral PNTL, Komisariu Faustino da Costa, hateten grupu artes marsiais sira ne'e seidauk legal sira foin mak rejistu tanba ne'ebe bainhira sira halo krimi polisia nafatin halo atuasaun tuir lei numeru 5/2017 konaba lei arma branka.

Nia dehan, husi konfrontasaun ne'ebe mak akontese husi grupu arte marsiais rua ne'e hodi rezulta balun kanek ne'e polisia nafatin halo atuasaun ne'ebe mak rigorozu no tuir lei haruka.

"Husi atuasaun ne'ebe mak ita halo, ita konsegue kaptura ona autor prinsipal balun no oras ne'e dadaun submete ona ba prosesu tuir dalan legal," Komisariu Costa hateten iha parlamentu nasional.

Tanba ne'e nia dehan, polisia la iha toleransia ba grupu kiik ida ne'ebe mak hakarak kria instabilidade iha Timor-Leste.

"Ita sei la husik livre kriminozu ida halo movimentu livre hodi halo krimi iha fatin-fatin no taka dalan ba ema seluk atu halo nia aktividade. Ita sei la autoriza," nia salienta.

Tanba ne'e, nia apela ba komunidade balun ne'ebe mak halo movimetu hetan amiasa husi grupu sira fo hatene polisia nune'e bele halo kedan atuasaun.

Entretantu, Prezidente Komisaun B Trata Asuntu Defesa no Seguransa Iha Parlamentu Nasional, Jose Agustinho Sequera "Somotxo", hateten liga ba situasaun ne'ebe mak akontese iha Baucau ne'e polisia tenke halo kontrolu maka'as tanba grupu sira ne'e hein malu iha dalan publiku liu-liu transporte publiku.

"Ita husu polisia tenke hola medida ne'ebe forte tanba ita nia transporte publiku ne'e ita nia komunidade barak mak utiliza, ferik, katuas, labaraik, hahalok ne'ebe mak joven sira halo hanesan tuda no duni tuir bis hodi baku ne'e impaktu tebes ba pasajeriu nian vida," nia husu.

Alende ne'e husu mos responsabilidade moral inan aman nian hodi kontrola oan sira atu labele halo krime hasoru ema seluk no tenke moris iha paz no estabilidade iha rai doben Timor-Leste no husu atu prepara sira hodi dezenvolve Timor iha tempu oin mai.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04