Segunda, Julho 15, 2024

Governu liuhusi Ministériu Interior (MI) konstrui tan postu Unidade Patrolhamento Fronteira (UPF) 8 iha fronteira.

Governu liuhusi Ministériu Interior (MI) konstrui tan postu Unidade Patrolhamento Fronteira (UPF) 8 iha fronteira.

Ministru Interior Fransisco Guterres hatete, postu vijilánsia UPF nian, hahu husi Oe-Cusse Bobonaro to'o Covalima ne'e balun distansia luan tebes, ne'e sai difikuldade hodi kontrolu movimentu atividade ilegál sira.

"Dadaun ne'e ita konstrui tan postu visilánsia 8 iha fronteira 78 ne'e atu fasilita sira-nia servisu kontrolu fronteira ho di’ak liutan.

Tanba durante ne'e ita haree sira la’o postu ida ba postu seluk ne'e kuaze sira la'o 15 kilometru tun no sa’e foho, hakur mota mak foin to'o," Ministru Guterres dehan.

Enkuantu nia dehan, alende konstrui postu visilánsia 8 ne'e, halo mós kapasitasaun pesoal ba membru sira,nune'e mós kompleta ekipamentu sira seluk hodi halo modernizasaun ba seguransa iha fronteira.

"Nune'e mós ita presiza aumentan tan membru 150 ba iha Unidade Patrolhamento Fronteira UPF nune'e bele destaka kada postu nain 6," nia dehan.

Tanba ne'e nia dehan, dadaun ne'e fokus uluk ba konstrusaun postu visilánsia no kompleta ekipamentu hodi kria kondisaun uluk mak koloka tan membru.

Entretantu, Komandate Jerál Polísia Nasional Timor-Leste (PNTL), Komisáriu Henrique da Costa dehan, durante ne'e difikuldade ne’ebé UPF hasoru mak vizilánsia ba postu sira, tanba dok malu entaun fóoportunidade ba atividade ilegál sira.

"Ita espera katak ho konstrusaun postu visilánsia 8 ne'e bele ajuda ona ita-nia membru Unidade Patrolhamento Fronteira (UPF) sira-nia servisu kontrolu iha fronteira terestre," nia dehan.

Enkuantu nia dehan, agradese tanba governu bele tun direita hodi haree kondisaun membru UPF nian iha terenu, tanba ne'e espera katak governu bele rezolve problema hirak ne'e.