Segunda, Junho 24, 2024
Total visitors: 766366

Unidade Polísia Marítima (UPM), halo aprensaun ba sasan ilegál ho tipu Cocacola ho kuantidade kaixa hamutuk 128 iha Postu Admistrativu Maubara, Munisípiu Liquiçá.

Unidade Polísia Marítima (UPM), halo aprensaun ba sasan ilegál ho tipu Cocacola ho kuantidade kaixa hamutuk 128 iha Postu Admistrativu Maubara, Munisípiu Liquiçá.

Komandante UPM, Eugenio Pereira, dehan sasan ilegál hirak ne'e prende, bainhira servisu sekreta komandu tátika husi UPM nian halo vizilánsia hodi identifika no kaptura sidadaun ne’ebé mak hatama sasan ilegál husi area Atampupu-Indonesia mai Timor-Leste.


"Maibé lakonsegue ultrapassa, tanba ita-nia ekipa halo intervensaun hodi halo aprensaun ba sasal ilegál hamutuk kuantidade kaixa 128 iha Maubara," nia dehan.

Nia hatete, depois de halo aprensaun ba evidénsia bebidas Coca Cola kaixa 128 ne'e ekipa halo mós kapturasaun ba suspeitu nain 1 ne’ebé halo tranzasaun ilegál ne'e ho inisial AC ho idade 34 anos.

"Suspeitu dadaun ne'e halo ona investigasaun no aprezenta ona ba Ministériu Públiku hodi kontinua prosesu. Enkuantu evidénsia hirak ne'e dadaun asegura hela iha Kuartel Unidade Polísia Marítima, iha Lecidere, Díli,” Komandante UPM Pereira dehan iha knaar fatin Lecidere, Díli.

Entretantu, Diretór Fundasaun Mahein (FM), Nelson Belo, dehan antes ne'e sasan ilegál ne’ebé mak polísia sempre prende, sasan sira ne'e mak sigaru no gazolina, maibe dadaun ne'e nesesidade báziku mós komesa prende ona.

"Ita haree nesesidade báziku sira ne’ebé ilegál ne'e ligadu sasan nia folin ne'ebé mak folin komesa aas iha ita-nia rain," nia dehan.

Tanba ne'e nia dehan, atu evita atividade ilegál ka merkadu ilegál iha fronteira, ne'e servisu ema hotu nian la’ós parte seguransa de’it.