Segunda, Junho 24, 2024
Total visitors: 766366

Badan Nacional Narkotika (BNN) Indonesia fó apoiu formasaun espesífiku hodi uza ekipamentu dijitál atu kombate droga ba pesoal Intelijénsia iha Polisia Nasional Timor-Leste (PNTL).

Badan Nacional Narkotika (BNN) Indonesia fó apoiu formasaun espesífiku hodi uza ekipamentu dijitál atu kombate droga ba pesoal Intelijénsia iha Polisia Nasional Timor-Leste (PNTL).

Komisaris Jeneral Polisi Republik Indonesia, Marthinus Hukom dehan, formasaun kapasitasaun ne’ebé mak BNN oferese ba membru PNTL sira nian liu-liu ba pesoal intelijénsia ne'e liuhusi servisu kooperasaun entre PNTL no BNN.

"Formasaun ne’ebé mak ita fó ne'e espesifiku ba iha servisu Intelijénsia nian kona-ba oinsá atu kombate droga," nia dehan.

Nia dehan, formasaun kona-ba investigasaun ba pesoal Intelijénsia ne'e importante tebes tanba atu bele hasa'e kapasidade servisu Intelijénsia nian hodi halo intervensaun ba droga.

"Ita hotu hatene katak Timor-Leste sai ameasa ba transaksaun droga tanba ne'e presiza tebes apoiu formasaun sira ba pesoal intelijensia atu bele halo servisu implementa lei ho Profesional hodi kombate droga," Komisariu Jenerais Polisia Republika Indonesia Marthinus Hukom hatete.

Alende ne'e nia dehan, depois de apoiu formasaun Badan Narkotika Nasional mós sei apoiu ekipamentu dijitál hodi fasilita pesoal Intelijénsia sira-nia servisu iha terenu atu kombate droga.

Relasiona ho formasaun ne’e, Komandante Jeral PNTL nian Komisáriu Henrique da Costa dehan, formasaun ne'e konsege realiza liuhusi akordu BNN ho PNTL oinsa atu bele servisu hamutuk hodi halo prevensaun ba tráfiku droga.

"Hanesan tinan hirak liuba ita prende material droga ba produsaun anestesia nain hamutuk kontainer hira kedan." Nia dehan.

Tanba ne'e presiza aumenta tan kapasidade membru sira-nian nune'e bele halo servisu di’ak liutan iha futuru liu-liu ba prevensaun tranzasaun droga nain iha Timor-Leste.