Segunda, Junho 24, 2024
Total visitors: 766366

Komandante Koperasaun no Relasaun Internasional, Superintendente Asistente Augusto Tilman da Costa dehan, durante fulan janeiru to'o abril tinan 2024 membru Intelijénsia nain 24, tuir ona formasaun kona-ba kombate krime organizadu, iha Tailándia.

Komandante Koperasaun no Relasaun Internasional, Superintendente Asistente Augusto Tilman da Costa dehan, durante fulan janeiru to'o abril tinan 2024 membru Intelijénsia nain 24, tuir ona formasaun kona-ba kombate krime organizadu, iha Tailándia.

Nia dehan, formasaun ne’ebé hetan ne'e, liuhusi servisu koperasaun ne’ebé durante ne'e Polísia Nasional Timor-Leste (PNTL) halo hodi fó oportunidade ba membru nain 24 ba formasaun kona-ba krime organizadu nian iha Tailándia.

"Kona-ba rekursu umanu ita preparadu ona hodi responde ba kombate krime organizadu sira, tanba ita-nia membru intelijénsia nain 24 tuir ona formasaun,” nia dehan.

Nia hatutan, membru nain 24 refere, dadaun ne’e destaka ona iha munisípiu ne’ebé mak antes ne'e sira koloka ba hodi halo servisu investigasaun nain.

“Durante ne'e la’ós halo de’it kooperasaun ho nasaun Tailándia, maibé ita iha koperasaun mós ho nasaun Indonesia, Xina, Novazelandia, Australia, Amérika, no nasaun sira ne'ebé tama iha Asia no CPLP nian,” Komandante Tilma dehan iha knar fatin Kaikoli, Díli.

Nia salienta, parseiru ne’ebé mak durante ne'e apoiu másimu ba PNTL mak Timor-Leste mak Police Developmen Progrmma (TLPDP), tanba sira apoiu husi kapasitasaun, konstrusaun, no ekipamentu.

Entretanty, Diretor Ezekutivu Fundasaun Mahein (FM), Nelson Belo dehan, tuir sira nia monitorizasaun katak loos duni durante ne'e membru PNTL maioria iha oportunidade hodi ba tuir formasaun iha nasaun sira ne'ebé mak sira halo kooperasaun ba.

"Husi formasaun ne’ebé mak sira hetan ne'e, rezultadu hatudu ona iha implementasaun servisu kada loron iha terenu liu-liu kombate krime organizadu sira," Belo hateten.

Nia hatutan em termus rekursu humanu natoon ona, maibé presiza mós kompleta ekipamentu hodi fasilita sira-nia servisu hodi kombate no krime organizadu.