- Publika iha: 11 Julho 2011
Hafoin tuir kursu lina Inglesh durante tinan ida hahu iha 12 Junu 2010- 28 Junu 2011, membru Forsa Defeza Timor-Leste (F-FDTL), na’in 8 simu sertifikado kursu nian.
“Sira na’in 8 ne’e mak hetan graduasaun iha kursu lingua Ingles ba nivel 3 nian,”informa Diretor Jeral Secretariu Estadu Defeza, Joao Corte-Real semana kotukiha Palasiu Governu, Dili.
Tuir Joao, kursu ne’e la’os de’it ba lingua Ingles maibe iha mos kursu ba lian Portuges, e alende partisipa husi membru F-FDTL mos partisipa mos husi funsionario Secretario Estado Defesa, tantu iha nivel 1, 2 no 3.
“Kuandu sira pasa ona iha nivel 3 atu ba nivel 4, sira sei ba kontinua iha Akademia Darwin Australia durante fulan 6, hafoin fila mai sira sae ba Tanente”katak nia.
Membru F-FDTL ne’ebe mak remata sira nia kursu mak hanesan, Primeiru Sarjentu Hezenio das Neves, Primeira Sarjentu Mariana das Da Luz Neto, Segundu Sarjentu Juvencio Baptista, Segundu Sarjentu Hornai Fraga, Segundu Sarjentu Tome Ximenes, Corpral Franco do Santos, Corporal Josefina Fereira da Conçeicao, Soldadu Manuel da Concaisao,no Soldadu Veronika.
Sertifikado ne’e rasik entrega direitamente husi Xefe Estado Maior Jeneral Taur Matan Ruak no Xefe Estado Interino, Koronel Falur Rate Laek.
Iha parte seluk tuir komunidade Bidau, Marcos dos Santos, katak kursu ne’e importante ba forsa sira nune’e bele aumenta sira nia matenek iha lian Ingles, maibe labele para deit ho lian inglesh,mos lian seluk.
“Hau hanoin ne’e kapaz, tanba aumenta sira nia skill liu-liu iha lian Ingles tanba ita hatene katak mundu ohin loron ema hotu tenke hatene lian inglesh,ne’e importante, maibe hau mos sujere se bele labele lian Inglesh no POrtugues deit maibe lian seluk hanesan lian Korea nian tanba ita nia forsa marina fo treinu iha e mania nasaun seluk,”nia sujere.