- Publika iha: 28 Janeiro 2019
Telekomunikasaun Telkom-sel oferese internet gra-tuita ba Universidade Dili (UNDIL) hodi fasilita estudante sira estuda liu diak liu tan.
Xefe Ezekutivu (CEO)Telkomcel iha Timor-Leste, Yogi Rizkian Bahar hateten Telkomsel asina nota entendimentu ne’e tanba livru kona-ba departamentu saude nian karun liu, nune’e mak nia hakarak atu halo ida hodi bele sustenta estudante sira.
“Telkomsel hakarak lori universidade Dili ba futuru ne’ebe diak liu tan, ami oferese ona internet gratuita ba universidade hodi faselita estudante sira hodi asesu materia liu husi mundu teknologia tanba agora la jaman ona uza manual,” nia hateten, iha Dili.
Nia dehan, kada tinan estudantes kontinua estudu iha universitariu ho manual estudante sira tenke sosa livru, maibe kompara ho agora dadaun ne’e jaman teknologia ne’ebe sira halo hanesa ne’e atu livru ida estudante sira bele utiliza hotu no asesu liu hosi internete.
Ida ne’e, nia dehan hanesan solusaun diak ida hodi ajuda universidade inklui estudantes atu hamenus kustu sosa livrus, tanba livrus agora ne’e karun tebes.
Portantu, nia dehan parte Telkomsel hamutuk ho universidade asina ona nota intendementu e durante fulan ida nia laran estudante sira bele halo free call.
Entretantu Reitor Universidade de Dili (UNDIL), José A. de C. B Pereira, informa assina nota entendimentu ne’ebe mak sira halo ne’e oinsa atu bele fasilita estudantes, liu-liu estrutura reitor nomos funsionariu sira.
“Ita komesa tama ona utiliza teknologia, ko’alia kona-ba utilizasaun teknologia oinsa mak bele uza pulsa ho di’ak nomos oinsa atu asesu mundu tanba agora hanesan nesessidade ne’ebe ita la ses husi ne’e,” nia dehan.
Nia dehan, UNDIL hanesan universidade privadu ne’ebe hanoin mos atu halo koneksaun ba mundu, oinsa atu bele ema koñese nomos estudante sira iha oportunidade barak liu atu aprende.
“Ho situasuan ekonomia ne’ebe iha, hau hanoin liu husi meius ida ne’e bele ajuda tebes universidade, liu-liu estudantes atu bele alkansa sira nia objetivu,” nia dehan.
Alende free call, nia dehan estudante sia bele download livrus ne’ebe maka sira hakarak tuir materia ne’ebe iha.