Realidade ba pasitentes moras mental ohin loron iha Timor-Leste la adekuadu atu bele hasasil sira kura ba minimiza impaktu sira nia kondisaun tanba Timor-Leste seidauk iha fatin ne’ebe seguru ba sira hodi halo tratamentu ho diak.
“Sira nia kondisaun diak ona maibe depende mos situasaun no ambiente kuandu iha provoka ruma husi komunidade, social ruma, uma laran entau dala barak moras ne’e mosu fila fali deit,” hateten Teofilo Tilman, Xefe Departamentu Saude Mental, Ministerio Saude, semana kotuk (17/10), iha nia knar fatin, iha Lahane, Dili.

Leia mais...

Make menus aimoruk preokupasaun ba sentrus sauda barak iha rai laran, ba Centro Saude Formosa (CSF), mask dala ruma mos ai-moruk tarde atu tama ne’e tanba pasa informasaun tarde ba iha Ministerio Saude maibe ne’e laos kestaun bo’ot ida ba pesoal saude sira atu atende pasiente sira.
“Menus aimoruk laos kestaun bo’ot ida ba ami, aimoruk laos laiha lae aimoruk iha maibe kestaun administrasaun no komunikasaun no tanba ami hato’o informasaun ba iha distritu mak tarde entau pedidu mos tarde aimoruk mos mai tarde mais aimoruk tarde laos ami la servisu lae ami sempre servisu atu atende pasiente sira” dehan Responsabel CSF, Jaime Dos Reis Belo semana kotuk (12/10) iha Bairro Formosa, Dili.

Leia mais...

Moras iha oin-oin deit, no balun bele kura, balo la bele kura, maioria bele prevene.
Moras Epilepsia ka Bibi-Mate la bele kura maibe bele halo prevensaun hodi la bele minimiza numeru atakasaun ne’ebe halo pasientes bele monu beibeik, tanba moras epilepsia moras hosi jenetika ka jerasaun.
“Ita la kura maibe ita atu halo akompanhamentu ba nia sintomas ne’e katak atu mengobati nia gejala-gejala laos atu kura nia moras lae, prevene atu labele monu beibeik. Se iha parte ida tanba biologia katak keturunan entau nia tenke hemu aimoruk to’o tinan naruk,” dehan Xefe Departamentu Saúde Mental, Ministerio Saude (MS), Teofilo Tilman semana kotuk (17/10) iha knar fatin iha Lahane, Dili.

Leia mais...

Moras ran mutin afekta feto barak iha Timor-Leste maske feto barak mak moe atu fo sai kona ba sira nia doutor kona ba problema ida ne’e.
Tuir fontes konfirmado ne’ebe lakohi publika sai nia identidade katak ema barak dehan moras ran mutin barak liu no katar ne’e moras baibain maibe moras ne’e bele hanesan sinal moras ne’ebe ita rasik la espera no bele ameasa ita nia saude.
“Ba kolega feto sira ne’ebe hetan moras ida ne’e [ran mutin, katar] karik la bele moe atu ba konsulta iha Sentru Saude sira ne’ebe besik tanba moras ne’e laos moras baibain” dehan fontes konfirmado, iha semana kotuk (12/10), iha Bairo Formosa, Dili.

Leia mais...