Segunda, Fevereiro 19, 2018
Total visitors: 196285

Xefe Departamento Sane-amento Munisipio Dili, Domingos dos Santos Suriano hateten foer iha capital hahu redus, tanba iha kontrolasaun ne’ebe diak husi ekipa saneamentu Dili nian.

Xefe Departamento Saneamento Munisipio Dili, Domingos dos Santos Suriano hateten foer iha capital hahu redus, tanba iha kontrolasaun ne’ebe diak husi ekipa saneamentu Dili nian.

Nia hateten, publiku kestiona katak sidade Dili ne’e foer hela deit.
“Sim, ita la dehan Dili ne’e moos husi foer maibe redus husi foer, tanba iha oras 3-4 nia laran ami halo monitorizasuan ba area sira ne’ebe ami orienta ona foti foer,” nia hateten, iha Dili.
Nia rekonese, mos katak iha fatin balun sei foer hela tanba kareta la to’o iha ne’eba.
Tanba ne’e, nia dehan kuando sira haruka kareta ba raut foer, sira mos tuir kedan hodi haree fatin ne’ebe mak la raut.
“Se la raut, ami husu kadan tanba sa maka la raut no kareta ne’e aat ka ba iha ne’ebe, ho ida ne’e aban ami haruka fali kareta ba raut fali,” nia informa.
Nia dehan, kareta ne,ebe mak raut foer iha Dili laran ne’e hamutuk 40,kareta sira ne’e fahe hotu ba area sira iha Dili laran, hahu husi area Cristo Rei to’o Tasi tolu.
Enkuanto Xefe Aldeia Aimutin, Higino da Costa Nunes hateten servisu saneamento ne’e la’o ho diak durante ne’e.
“Dadersan ita sei haree foer, maibe tama iha meudia ne’e foer sira ne’e laiha ona tanba sira raut hotu ona,” nia hateten.
Tanba ne’e, husu ba komunidade sira atu soe foer nia fatin, labele soe arbiru iha bairo laran no uma hun sira tanba bele prejudika ba ema nia saude.

E-mail Subscription

Enter your email address:

    Poll

    Nothing found!

    Follow us on Twitter