- Publika iha: 30 Agosto 2011
Lei Money Loundry no Finansiamentu Terorismu, Parlamentu aprova ona iha jeneralidade no Agustu sei tama iha diskusaun espesialidade hodi tama iha final global.
“Ita hatene katak agora dadauk deputadu sira sei resesu hela, depois de atama fali mak diskute espesialidade hodi tama iha final global,”informa membru komisaun C Parlamentar, Deputadu Frnacisco Branco, semana kotuk iha PN.
Maske lei ne’e rasik hetan suspende husi bankada Aliansa Maioria Parlamentar (AMP), maibé tuir nia lei ne’e importante tanba kondis ho situasaun iha Timor.
“Ita nia situasaun vulneravel hela, situasaun Timor nakloke demais, ema uza osan ita lahatene tuir osn nia orijin mak ne’ebé los, karik mai husi negósiu mafia, trafiku humanu, droga e karik mós mai husi protituisaun nian,” nia katak.
Branco hatutan, foin dadauk Komisaun C ba halo estudus ida iha Singapura, atu hasai referensia balun husi esperiensia Autoridade Banku Sentral Singapura nian.
Entretantu Deputadu Aderito Hugo hateten, projetu de Lei Money Loundry ne’e halo ona audensia publika no mós aprova tiha jeneralidade iha parlamentu.
“Agora hein hela resesu parlamentu nian dia 15 parlamentu tama fali tama ona iha diskusaun hodi aprova espesialidade,”nia katak.