- Publika iha: 28 Agosto 2011
Lei Kodigu Laboral nebe mak atu defini lolos ba direitus no dever trabalhador nian horas ne’e dadauk Parlamentu Nasional liu husi Komisaun H debate ona hamutuk Artigus 70 resin, no tama ba Agustu bele submete ona iha parlamentu nasional hodi Aprova nia final globalidade.
“Ita hare katak ,agora dia vinte sinku resesu ami tama fali ona ami kontinuasaun aprova atu nune’e tama ba iha final global,” hateten Deputadu bankada ASDT Albertu da Silva Cruz, iha Parlamentu Nasional, iha Dili, semana kotuk.
Tuir Deputadu da Cruz katak lei ne’e nia impiortansia mak atu hare ba trabalhadores sira nia direitu, no mos hare ba investidor sira husi rai liur tama mai investe iha Timor-Leste oinsa para kopera diak liu tan, no mos trabalhador Timoroan sira lao diak liu tan.
“Sim, tuir lei nebe mak ami aprova ne’e primeiru, investor no trabalhador, sira nain rua tenki ser halo akordu ida para regula,“dehan Deputadu Cruz.
Enkuantu Deputadu Domingos da Costa afirma tan katak, Lei Kodigu Laboral nebe horas ne’e dadauk debate iha parlamentu nasional importante ba trablhador sira atu nune’e bele servisu bazeia ba lei nebe mak iha.
“Lei Kodigu Laboral nebe mak durante komisaun H no komisaun A debate ne’e importante duni ba ita nia nasaun ida ne’e oinsa para bele tau matan direitus no dever tarbalhador nian.”
