Sexta, Janeiro 21, 2022

Polisia Tranzitu Munisipiu Dili husu motorista hotu ne'ebe mak halo movimentu iha dalan publiku tenke kumpri regras ho utiliza kapasete nune'e bele salva vida bainhira asidente.

Komandante Tranzitu Munispiu Dili, Inspektor Xefe Domingos Gama Sarmento hateten maioria asidente ne'ebe akontese vitima lakon vida ne'e tanba la utiliza kapasete bainhira halo movimentu.

Komandante Tranzitu Munispiu Dili, Inspektor Xefe Domingos Gama Sarmento hateten maioria asidente ne'ebe akontese vitima lakon vida ne'e tanba la utiliza kapasete bainhira halo movimentu.

Nia dehan, tuir lei kodigu estrada numero 6/2003 katak motorista hotu ne'ebe mak halo movimentu iha dalan publiku tenke kumpri regras sinais tranzitu sira nune'e mos utiliza kapasete hodi salva vida bainhira akontese asidente.

"Ita husu ba motorista sira tenke uza konsiensia hodi utiliza kapasete hodi halo movimentu tanba asidente karik bele salva vida liu-liu ulun fatuk," Inspektor Xefe Gama hateten.

Nia dehan, dadaun ne'e polisia nafatin halo operasaun cek point ba motorista sira ne'ebe mak la utiliza kapasete no polisia implementa lei hodi aplika multa infrasaun.

"Bainhira ita hetan mak motorista ne'ebe mak la uza kapasete tenke selu multa $35 dolar tuir tabela infrasaun," nia dehan.

Nia dehan, polisia tenke implementa ida ne'e hodi kontrola motorista sira bela utiliza kapasnte tanba dezastre ne'e buat ida ne'ebe mak la planeadu no uza kapasente tenke tuir estandar.

Entretantu, motorista Rogerio Pereira hateten hanesan motorista ne'ebe mak lor-loron utiliza motor hala'o nia aktividade, tenke kumpri lei liu-liu konaba utilizasaun kapasete ne'ebe mak lei haruka.

"Hanesan motorista ita tenke uza kapasete ne'ebe mak diak no tuir lei haruka tanba bainhira akontese dezastre ruma ita bele salva ita nia ulun," nia dehan.

Tanba ne'e nia dehan, buat ne'ebe mak diak ba pesoal ida nia vida labele hein polisia mak haruka, maibe presija konsiensia ema nian rasik.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04