Maske desde tinan kotuk kedas Laboratorium Polisia Nasional Timor-Leste (PNTL) Dirasaun Forensik nian ejiste maibe to’o agora seidauk iha fasilidade kimikal nian hodi halo testu.

“Iha ekipamentus balun ne’ebe maka ita instala iha ne’e, sasan sira ne’e kompletu iha ne’e, so agora ita presiza atu kapasita ita nia membru sira no ita presiza kimikal sira ne’e para ita bele uza atu halo testu,” dehan Diretor Servisu Investigasaun Kriminal (SIK), Superintendente Calisto Gonzaga, iha Kaikoli, Dili.

Leia mais...

Ho difikuldade kona ba transporte ne’ebe durante ne’e Unidade Polisia Fronteira (UPF) hasoru hodi kontrola iha fronteira, hamosu lamentasoens husi Membru Parlamentu Nasional tanba kondisaun ne’e afeta ba sira nia sistema rotasaun ne’ebe ladun masimu iha baze.

“Hau lamenta ho kondisaun ne’e, to’o agora sira laiha kareta ne’ebe sufsiente atu sira halo patrulamentu ho diak iha fronteira, hau husu deit ba Komandante Jeral sira no liu-liu Sekretariu Estadu Seguransa atu bele toma atensaun ba kondisaun ne’e, fo kondisaun kareta diak, tamba ita hare kareta butuk hotu iha Dili, nusa maka balun la oferese ba sira,” lamenta Deputadu Natalino dos Santos, iha Parlamentu Nasional.

Leia mais...

Iha 04 Outobru 2012 Tribunál Distritál Baucau (TDB) hala’o julgamentu ho ajenda leitura akordaun ba kazu krime abuzu seksuál ne’ebé julga ho Númeru Prosesu: 21/Crm.C/2012/TDB.  Kazu ne’e involve arguidu Inocencio L. Guterres hasoru vítima Ana Maria Viana ne’ebé hanesan arguidu nia aluna, ne’ebé akontese iha 28 Setembru 2010, iha Suku Samalari, Sub-distritu Baguia, Distritu Baucau.

Leitura akordaun prejide husi juiz singular Dr. José Gonsalves, Ministériu Públiku reprezenta husi Dra. Benvinda da Costa do Rosario no arguidu hetan defeza husi Dr. Grigorio de Lima husi Eskritoriu Defensória Públiku.

Leia mais...

Membru Polisia Nasional Timor-Leste (PNTL) ne’ebe maka involve iha krime ruma, se laiha oportunidade atu hetan promosaun extra ordinariu ne’ebe husi Komisaun Promosaun Divizaun Extra ordinariu hala’o ba.

“Ami esplika ona situasaun ne’e ba sira, prosesu tranzitoria ne’ebe maka hala’o iha 2008, ne’e difirente ho prosesu Promosaun Extra ordinariu. Ita fo oportunidade ba membrus PNTL hotu-hotu tuir maske sira iha hela kazu disiplinar no krime sira bele tuir, maibe Promosaun Extra ordinariu diferente no hateten tiha ona katak ba membrus PNTL ne’ebe maka sei komete iha kazu disiplinar no krime ruma, sira sei la tuir,” esplika Segundu Komandante Jeral PNTL, Komisariu Afonso de Jesus, foin lalais, iha Kaikoli, Dili.

Leia mais...

Iha 03 Outubru 2012 Tribunál Distritál Suai (TDS) kondena Arguidu ne’ebé komite krime tentativa Abuzu Seksuál (AS) ba menór ba tinan 10 iha prizaun. Vítima ba kazu ida ne’e foin mak ho idade tinan 11. Kazu ne’e rejista ho Númeru Prosesu: 135/PEN/2012/TDS.

Leia mais...

Husi total kazus ne’ebe tama no halo rekursu ba iha Tribunal Rekursu (TR) durante ne’e, foin kazus tolu mak hetan ona desizaun final iha TR.

“Kazu sira ne’e pendente  husi tinan ida ne’e iha fulan hirak liu ba, maibe foin julga iha fulan Setembru nia laran,” dehan Sekretaria Judisial TR, Maria de Fatima, iha Kaikoli, Dili.
Tuir nia, kazus tolu ne’e mai husi Distritus rua, kazus rua husi Distritu Dili no ida seluk husi Distritu Covalima.

“Kazu ida kona ba pemalsual osan ou halo osan palsu, ne’e mai husi distritu Suai, no ida fali kona ba abuzu seksual minor, ne’e mai husi distritu Dili no ida ikus ne’e kona ba pekulatu mai husi distritu Dili mos,” informa Sekretaria Judisial TR ne’e.

Leia mais...