- Publika iha: 29 Julho 2016
Ho konsiensia JL (arguido) baku no sama VP (vitima) iha nia ain no kotuk laran, tanba deit husu osan la fo.
Tuir akuzasaun husi Ministerio Publiku ne’ebe lee sai husi juis prezidente, katak arguido nudar maun husi vitima, wainhira fila hosi servisu, husu osan ba vitima atu ba joga karta ho kolega sira, iha momentu ne’eba vitima iha kuartu laran hela no toba hodi la rona saida mak arguido koalia iha liur.
Tanba vitima la rona, entaun arguido tebe tiha vitima nia odamatan no halo vitima hakfodak, hafoin ne’e arguido dehan ba vitima “o rona ka la’e hau koalia deste ohin kedas ne’e,” maibe vitima hatan ba arguido dehan “hau toba hela,” entaun rona tiha ida ne’e, arguido dehan “fo osan lai, hau atu ba joga karta,” maibe vitima dehan“hau osan laiha,”.
Hafoin ne’e arguido ba liur, la kleur arguido tama tan ba kuartu laran hodi husu tan osan, maibe vitima nafatin dehan “osan laiha”, entaun arguido ho nervozu tuku vitima nia kotuk laran, ho asaun tuku ne’e halo vitima monu kedas ba rai, depois arguido tuir kedas ho sama dala ida iha vitima nia ain, halo vitima sofre durante semana ida la ba eskola.
Enkuantu situsaun ne’e akontese iha tempu kalan mais ou menus tuku 7:00, iha data 12/07/2015.
Hafoin lee sai akuzasaun hirak ne’e juis prezidente, husu ba arguido atu hili koalia ou nonok maibe arguido hili atu nonok atu prova katak akuzasaun hirak ne’e los hotu.
Hafoin ne’e juis prezident husu ba vitima hili koalia ou nonok, maibe vitima hili atu koalia hodi dehan perdua arguido nia hahalok ne’e.
“Hau perdua hau nia maun, mesmu agora ami la hela hamutuk ona,” Vitima ne’e hateten.
Vitima nudar funsionariu iha Komisaun Funsaun Publiku (KFP) ne’ebe ho konsiensia rasik rekonese nia salan.
Hafoin rona tiha deklarasaun husi vitima, juis prezidente fo pena suspensaun tinan ida ba arguido.
