Quarta, Janeiro 20, 2021
Total visitors: 543764

Vice Ministra Finansas, Sara Lobo hateten governu hakarak hasa’e taxa produtu alkohol ho objetivu atu proteje investimentu serveza iha rai laran no aumenta reseitas ba estado.

Vice Ministra Finansas, Sara Lobo hateten governu hakarak hasa’e taxa produtu alkohol ho objetivu atu proteje investimentu serveza iha rai laran no aumenta reseitas ba estado.

Nia dehan, governu prepara ona lei tributaria atu submete ba parlamentu nasional hodi diskute, maibe lakonsege ajenda iha tinan 2020 entaun muda ba tinan oin tanba governu regula iha orsamentu jeral do estado atu propoin halo mudansa ba taxa no impostu.

“Aumenta taxa ba konsumu serveza ne’e ho objetivu ida mak aumenta reseita, maibe principal liu mak atu proteje ita nia investimentu iha rai laran tanba ita hatene kompanhia ida halo hela investimentu ba produsaun ida ne’e,” nia hateten bainhira partisipa iha seminario panorama orsamental 2021 iha Hotel Novu Turismu, Dili.

Nia dehan, durante ne’e serveza ho alkohol a’as tama ilegal mai rai laran no importasaun sira mos mai makas entaun laiha protesaun ba produsaun iha rai laran tanba ne’e ho mudansa ida ne’e aumenta reseita no proteje, promove produsaun iha rai laran.

Nia hatutan, mudansa ida ne’e mos kontribui ba hamenus konsumu bebidas alkohol ne’ebe a’as iha rai laran hodi hamosu problema sosial barbarak iha sosiedade hanesan violensia.

Iha parte seluk, Membru Komisaun C asuntu finansas publika, Deputada Maria Fernanda Lay husu governu atu defini didiak produtu ida ne’ebe tanba kontiudu alkohol iha vinho ne’e diferente ho serveja.

“Oinsa ho investimentu ne’ebe setor privado investe ona iha rai laran antes mudansa ne’e. kontiudu alkohol iha vinho ne’e diferente ho serveza, ida ne’ebe mak ita opta,” nia hateten.

Nia dehan, dezenvolvimentu ekonomia iha rai laran depende ba orsamentu jeral do estado kada tinan tanba ne’e hahu iha tinan 2017 to’o agora problema bo’ot, maibe realidade parlamentu aprova tiha orsamentu jeral estado mos ezekusaun governu nian ki’ik. Nia haktuir, lolos governu tenke aselera ezekusaun orsamentu jeral do estado atu insentiva setor ekonomia iha rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04