Governu Haruka Tan Timoroan 70 Ba Servisu Iha Corea do Sul

Governu liu husi Sekretariu Estadu Formasaun Profesional no Empregu (SEFOPE) haruka tan trabalhador Timoroan hamutuk nain 70 ba servisu iha nasaun Corea do Sul.

Diretor Jeral SEFOPE, Paulo Alves, hateten trabalhador ne'ebe mak governu haruka ba servisu iha Corea do Sul ne'e tuir kontratu ne'ebe mak kompanhia sira haruka mai governu prepara trabalhador hodi haruka ba.

"Ita haruka ona trabalhador hamutuk nain 70 no ohin halo ona deslokasaun ba Corea do Sul," DG SEFOPE Alves hateten iha Caicoli Dili.

Nia dehan, trabalhador Timorona nain 70 ne'e ba servisu iha area rua hanesan peska no fabrika.

“Ita nia trabalhdor 70 ne'e nain 46 ba iha area peskas no 24 area fabrika," nia salienta.

Enkuantu nia dehan, trabalhador sira ne'ebe halo deslokasaun ba Corea do Sul ne'e tuir rezultadu teste Swab negative COVID-19 nian hotu maibe ba to'o iha Corea sei kuarentena 14 dias tan.

Iha fatin hanesan, Reprezentante Corea do Sul iha Timor-Leste, Jooyoun Yang, husu ba trabalhador sira ba servisu iha Corea do Sul tenke kuidadu an nafatin no kunpri nafatin regras.

"Sira ba sei kuarentena semana ida no sei kopera diak iha Corea hodi bele trata trabalhador sira ho dignu," nia hateten.

Nia dehan, prosesu preparasaun ba deslokasaun trabalhador sira ne'e diak tebes tanba governu Timor-Leste kopera diak ho reprezentante HRD Iha Timor-Leste no ohin konsegue finaliza hodi halo deslokasaun ba Corea do Sul.