Embaixada Amerika oferese motorizada 6 no kareta toyota 2 ba SIC

Publika iha: 14 Maio 2012

Konandante Jeral PNTL Longuinho Monteiro dehan ekipamentus Embaixada Amerika fo ba SIC sei ajuda unidade ne’e halao kombate hasoru narkotrafiku iha TL.

Govenu America liu husi sira nia Embaixada iha Timor-Leste oferese motorizada ho modelu revo Honda neen (6) no kareta Toyota mini unidade rua (2) ba Servisu Investigasaun Criminal (SIC), hodi fasilita sira nia servisu ho diak liu tan.
“Ita nia SIC liu-liu husi unidade narcotic ninian, ita halo kooperasaun diak ho Drug Enforcement Agency (DEI) America ninian e ita ninia unidade foun ida ne’e hetan mos treinamentu kursu barak husi ita nia parseiru husi DEI nasaun Unidas e portantu ne’e duni aliende fo treinamentu sira mos fo material sira ne’e” dehan Komnadante Jeral Polisia Nasional Timor-Leste (PNTL) Komisariu Longuinus Monteiro, semana kotuk (02/05) iha Kaikoli, Dili.

Komisariu Monteiro dehan, SIC nia servisu la hanesan ho polisia sira seluk, normalmente organizador sira ne’e matenek, no iha meus para bele tama rede sira nebe maka sira monta.

Iha fatin hanesan Diretor SIC, Superintendente Calisto Gonzaga, dehan ho apoiu material hirak ne’e, bele ajuda ona sira nia servisu.

“Hau nia hanoin sasan sira ne’e mais importante para bele fasilita ami nia servisu iha terenu,” dehan Superintendente Gonzaga.

Tuir nia, apoiu ida ne’e hanesan kontinuasaun husi DEI ne’ebe durante ne’e sira hetan ona.

“Primeiru parte sira fo ami treinamentu ba uma semana iha fulan rua, depois ne’e maka segundu fase sira fo material, e ba fase tuir mai ami seitroka informasaun ba malu, depois halo treinamentu, no halo operasaun konjunta iha fronteira kona ba narcoba,” esplika Superintendente Gonzaga.