- Publika iha: 15 Maio 2012
Treinamentu ba membru Polisia foun 250 ne’ebe hala’o iha Rairobo, Distritu Bobonaro remata ona, maibe sira sei kontinua aprende kona ba leis nian durante fulan rua iha Sentru Formasaun Akademiku Polisia nian iha Comoro, Dili.“Depois de remata treinamentu iha Rairobo, sira mai kontinua fali iha akademiku durante fulan rua agora remata tiha ona, e fo tempu ba sira atu deskansa, maibe iha dia seis foin dadauk sira fila-fali iha Sentru de Formasaun atu aprende kona ba leis nian,” hateten Segundu Komandante Polisia Nasional Timor-Leste (PNTL), Komisariu Afonso de Jesus, semana kotuk (07/05) iha Kaikoli, Dili.
Tuir nia, bainhira sira remata sira nia estudus kona ba leis nian, bele ona koloka sira iha Unidade Polisia ne’ebe sei falta rekursu umanu.
Iha lidun seluk Membru Komisaun B Parlamentar, Deputadu Jose Teixeira, dehan, tenke koloka sira tuir sira nia kapasidade ne’eb sira iha,.
“Liu-liu mos tenke hare sira nia rekursus nato’on, hare katak sira nia farda los hotu, hare mos orsamentu, tanba ida ne’e maka ba-bain ne’e iha problema bo’ot ho polisia sira,” Deputadu Teixeira sujere.