- Publika iha: 14 Agosto 2012
Tuir peskiza ne’ebe Fundasaun Mahein (FM) halo ba iha Sekretariu Estadu Seguransa (SES) no Komando Jeral Polisia Nasional Timor-Leste (PNTL) durante tinan lima, identifika katak relasaun entre Instituisaun rua ne’e ladun diak, tanba ne’e husu ba governu foun atu labele banati tuir hahalok ida ne’e.“Komando Jeral PNTL foun assume nia kargu iha loron 27 Marsu 2009 to’o agora, sira nia relasaun ho Sekretariu Estadu Seguransa ladun diak,” kritika Diretor Ezekutivu FM, Nelson Belo, (06/08), iha Balide, Dili.
Tanba ne’e FM rekomenda ba governu fooun atu kria rlelasaun diak ho Komando jeral PNTL atu nune’e bele hadia liu tan institusaun ida ne’e ho diak liu tan iha futuru.
Iha lidun seluk II Komandante Jeral, Komisariu Afonso de Jesus dehan pesoalmente relasaun entre Instituisaun rua ne’e la’o diak.
“Hau, hau bele dehan durante ne’e ami halo linha relasaun diak ho SES, koalia kona ba asuntu nesesidade PNTL nian, ami halo nafatin, ne’e duni hau hanoin laiha problema,” dehan Komisariu de Jesus.
Tanba tuir nia, papel SES ne’e atu hare kona ba ezijensia PNTL, ne’e duni wainhira iha problema ruma husi PNTL sempre informa ba SES, talves iha parte balun ladun iha mudansa ne’ebe maka bo’ot, “maibe kondisaun mak hanesan ne’e duni, laos tanba laiha linha koordenasaun diak entre PNTL ho SES,”