Relasiona ho Komandante Jeral  Falintil Forsa Defeza Timor-Leste (F-FDTL) Xefe Estadu Maior Jeneral Taur Matan Ruak ne’ebe rezigna aan ona husi nia kargu, signifika pozisaun ida ne’e mamuk,maibe se mak atu prenxe fali fatin ne’e,depende ba Xefe Governu.
“Hau laiha problema,hau konese komandante sira ne’e hotu tinan barak nia laran,sira hotu kompetisia kapasidade para bele lidera forsas armadas hodi troka hau,maibe ne’e depende ba Primeiru Ministru,tanba nia mak iha kompetensia,”hateten Xefe Estadu Maior Taur Matan Ruak semana kotuk (29/09) iha serimonia despedida ho membru F-FDTL sira iha Metinaro,Dili.
Maske antes ne’e nia parte hato’o lista estrutura foun F-FDTL nian ba Governu hodi bele aprova no deside maibe konformi Xefe Governu.

Leia mais...

Relasiona ho lei reparasaun ba vitima 1975 to’o 1999 ne’ebe to’o  agora  sei pendente hela  husu ba Parlamentu Nasional  atu aprova lalais lei ne’e nune’e bele responde vitima sira nia terus ba luta independensia durante 24 anos.
Tuir Diretor Komisaun Verdade e Amizade (CVA) Agostinho de Vasconçelho, katak lei reparasaun ne’e importante ba vitiima sira tanba bazea ba lei ne’e bele tau matan ba sira.
“Ita bo’ot sira bele husu ba iha ita nia Prezidente, Primeiru Ministru no mos ba Prezidente Parlamentu katak bainhira mak sir abele responde CAVR nia rekomendasaun,”hateten Diretor CAVR/CVA, Agostinho Vasconçelho semana kotuk (20/09) hafoin simu vizita delegasaun husu Asembleia Parlamentar CPLP iha  sira nia fatin Balide, Dili.

Leia mais...

Konsellu Senadu Estudantil Universidade Nasional Timor-leste  (UNTL)  liu husi asaun pasifika  husu ba Misaun Nasoens Unidas nian (UNMIT) iha Timor-leste atu klarifika lolos kona-ba munisoens container 2 ne’ebe sira hatama sein iha konesementu husi governu.
“Ita hatene katak, mandatu UNMIT nian remata iha 2012 ,maibe tanba sa mak sira hatama tan kilat musan konteiner rua sein konesementu ba autoridade estadu Timor-leste, tenke esplika klaru,” ejiji membru Senadu UNTL  Afonso Casiano Ramos, semana kotuk 19/09) hafoin halo asaun pasifika iha UNTL Caikoli Dili.
Tuir nia, situasaun Timor-leste la hanesan ho nasaun sira seluk hanesan Afrika, Luanda, Nigeria no mos Arabia.
“Ami diskunfia katak, keta halo sira halo Timor hanesan nasaun sira seluk ,ajudas ONU fob a Timor para aproveita ida ne’e atu estabiliza situasaun Timor ne’e  hanesan fali nasaun sira seluk,”Afonso  preokupa.
Tanba ne’e  husu ba UNMIT hamutuk ho estadu TL atu klarifika lolos ba importasaun munisoens container 2 ne’e ba iha povu.

Leia mais...

Even though Timorese bicycle riders did not win the Tour de Timor, they were still very happy at being able to compete alongside foreign nationals during the international sporting event organized by the Office of the President of the Republic.
“We did not win but we are very happy because as Timorese we showed foreigners we can also ride,” said cyclist Jacinto da Costa, last week (16/09), upon arriving at the finishing line in front of the Presidential Palace Nicolau Lobato, in Lanud, Dili.
He added Timor despite being a young nation must show to the world it is also capable of taking part in international sporting events.

Leia mais...

Fundasaun Mahein (FM) iha nia relatoriu fo sai katak Polisia Maritima (PM) deskobre trafiku kilat illegal no 7 pursentu hosi hirak ne’e kila anin.
“Kilat hirak ne’e sira deskobre la’os kilat bo’ot maibe kilat manu nian mas ami diskunfia katak husi movement illegal neebe mak barak liu iha indikasaun katak iha mos kilta sira seluk,” hateten Peskizador FM, Joao Almeida semana kotuk (21/09) iha konfrensia da imprensa iha Balide,Dili.
Tuir nia atu identifika kilat illegal iha ka laiha, presiza halo peskiza no halo investigasaun ne’ebe klean nune’e bele hatene tuir.
“Provizoriumente iha ami nia relatoriu ida ne’e foin identifika pursentu 7 kilat illegal, kilat manu nian,” Almeida dehan.

Leia mais...

Vice Diretor Eskola Pre Sekundaria (EPS) Hera keixar nia Diretora MG (naran la publika) ba Komisaun F Parlamentar tanba diskunfia falsifika dokumentus ba profesores nain rua nia naran hodi foti osan.
Tuir Vise Diretor EPS. Hera Joao Reis da Cruz katak iha 2009 sira nia eskola konsege forma asosiasaun paizes profesores no pofesor Fernando da Conceiçao mak eleitu sai prezidente ba asosiasaun ne’e.
“Entaun komesa tinan ne’e kedas bainhira osan sai, sira nain rua diretora eskola mak ba foti osan,maibe depois de ida ne’e  ba II no III period osan sai to’o 300 e tal nia mesak deit ona no kolega nain rua nia naran ne’e nia mak falsifika deit,” hateten Vise Diretor Joao Reis da Cruz semana kotuk (08/09) iha Parlamentu bainihra hato’o keixa iha Komisaun F Parlamentar.
“E depois iha 2010 nia dehan fali osan laiha ona,entaun osan ne’e lori ba ne’ebe,”.

Leia mais...