- BNN-PNTL Servisu Hamutuk Kontrola Movimentu Droga Iha Fronteira
- Asidente tráfiku Iha Dili Ema Nain 5 Lakon Vida Durante Fulan Abril
- Fiar Liu Ai-Moruk Tradisionál Pasiente HIV-SIDA Balun Sees Husi Tratamentu Saúde
- Uma-Kain 17 Iha Suco Luka-Viqueque Afetadu Ba Dezastre Naturais
- Saúde Maternu Infantíl Nafatin Sai Sentru Ba Dezenvolvimentu Umanu Iha TL
- Publika iha: 16 Setembro 2011
Tuir Secretario Estadu Seguransa (SES),Francisco Guterres katak prova selesaun ba membru Polisia Nasional Timor-Leste (PNTL) foun sira ne’ebe hahu iha 17 Jullu remata iha 29 de Agostu 2011.
“Prova sira hotu ba selesaun iha karakter eliminatorio no kandidatu ne’ebe , halao prova hirak ba selesaun karik konsidera la aptu sei la husik tama tan ba prova selesaun tuir mai,” informa Secretario Estadu Seguransa Francisco da Costa Guterres,semana kotuk iha Akademia Polisia Comoro,Dili.
Tuir nia, kandidatu sira ne’ebe hala’o ona prova selesaun mak kandidatu sira husi Distritu Aileu, Ainaro,Baucau, Bobonaro, Covalima , Dili, Ermera, Lautem , Liquisa no Oe-Cusse e agora hala’o ba kandidatu husi Distritu Manatuto no Manufahi.
- Publika iha: 16 Setembro 2011
Tribunal seidauk ezekuta desizaun, tanba sei iha prosesu tranzitadu tuir direitu arguidu
Tuir Deputadu Aniceto Guteres, husi Bankada Fretelin hateten, kazu korupsaun ne’ebe involve Administrador Distritu Dili, Tribunal Distrittal Dili seidauk bele esekuta desizaun tanba sei iha prosesu tranzitadu enjulgadu tuir direitu arguidu.
“Prosesu tranzitadu enjulgadu tuir direitu arguidu bele halo rekursu ba iha Tribunal Rekursu, maibe kuandu arguidu la halo rekursu signifika kazu ne’e tranzitadu enjulgadu (sudah mempunyai kekuatan hukum), hodi tribunal tenki esekuta desizaun no arguidu tenki kumpri desizaun tribunal, bazeia ba Kodeku Prosesu Penal (KPP) no desizaun juiz,” hateten Deputadu Aniceto Guteres Lopes membru komisaun A, semana kotuk iha Parlamentu Nasional.
- Publika iha: 16 Setembro 2011
Tuir Diretora Diak Printing Business, Deolinda Cunha, katak atu manan autor violensia domestika sira nia konsiensia, presiza hakbesik ba sira hodi fo konsellu ba sira nune’e sir abele kumpriende.
“Tenke kalma,koalia mamar ba sira, konta istoria ho sira (fen-la’en), toba hamutuk ho sira, nune’e it abele manan sira nia komprensaun, sela’e difisil,”hateten Deolinda Cunha semana kotuk iha nia knar fatin Lad Mark, Fatu-hada,Dili.
Cunha hato’o kestaun ne’e relasiona ho kazu violensia domestika ne’ebe kontinua mosu maske governu liu husi Sekretaria Estadu Promosaun e Igualidade (SEPI) kria ona Lei Violensia Domestika (VD) no aprova iha Parlamentu Nasional.
- Publika iha: 07 Setembro 2011
Prezidente Komisaun Anti Korupsaun (KAK), Komisariu Aderito de Jesus hateten husi total kazu korupsaun 16 ne’ebe sira investiga ona hahu Fevereiru to’o agora, kazu korupsaun 6 mak entrega ona ba iha Ministeriu Publiku (MP) atu halo investigasaun tuir prosesu legal nian.
“Ami nia investigadores sira ne’e foin hetan formasaun fulan rua deit maibe sira bele ona kaer kazu no halo investigasaun,” hateten Komisario KAK Aderito de Jesus, semana kotuk iha nia knar fatin Farol,Dili.
Tuir nia, investigadores sira presiz tuir formasaun durante fulan 6 ou to’o tinan ida, nune’e bele sai investigador ne’ebe diak iha future.
- Publika iha: 16 Setembro 2011
Lei Teras e Propriedade ne’ebe durante ne’e tama ona iha Parlamentu, tuir Deputadu Manuel Tilman katak sei diskute no aprova iha Outubru fulan oin maibe karik lakonsege sei muda fali ba tinan oin.
“Tanba iha dia 15 Outubru osan tama mai buat hotu-hotu tenke para,” hateten Prezidenti Partidu Klibur Oan Timor As’ wain (KOTA) Manuel Tilman,semana kotuk iha Parlamentu Nasional.
Tilman hatutan, lei ne’e rasik pasa ona iha jeneralidade e agora tama ba diskusaun espesialidade nian e durante ne’e lei seidauk bele aprova tanba lei kodigu sivil seidauk aprova.
- Publika iha: 07 Setembro 2011
Tuir Chairperson of Asian Federation Against Involuntary Disappearence (AFAD), Mugianto katak kazu fenoma ema lakon aas liu mak iha Asia liu-liu iha Indonezia no Timor-leste (TL) kompara ho nasaun sira seluk iha mundu tuir relatoriu Organizaun Nasoens Unidas (ONU)nian iha 2005-2006.
Ativista husi Indonezia ne’e hateten, kazu ema lakon (penghilangan orang secara paksa) iha Timor-leste akontese maka’as iha tinan 1974 to’o 1999 iha ne’ebe military Indonezia halo invazaun mai TL.
“E to’o agora ita seidauk hatene ema hirak ne’ebe lakon ne’e sira nia paradeiru, tanba ne’e governu Timor-leste no governu Indonezia tenke luta maka’as atu oinsa mak sira ne’ebe komete iha krimi ne’e bele responsabiliza,”hateten ativista Mugianto, semana kotuk iha nia palestra bainhira partisipa iha Asembleia Jeral FONGTIL, iha Merkadu Lama, Kaikoli,Dili.