Kazu ema deskonesidu ne’ebe sunu uma balun iha Sub-Distrito Hera, Distritu Dili nian, tuir Segundu Komandante Polisia Nasional Timor-Leste (PNTL), Superintendente Afonso de Jesus katak,  oras ne’e dadaun kazu ne’e iha hela prosesu investigasaun.

“Kazu Hera nian submete tiha ona prosesu, investigasaun la’o dadauk e ema deskonesidu sira ne’e bele halo manipulasaun, sunu sira nia uma para bele hetan mos benefisiu,” hateten Komisariu de Jesus, semana kotuk (20/04) iha Kaikoli, Dili.

Tuir II Komandante Komisariu de Jesus, Polisia kontinua halo investigasaun ba problema ne’e, atu hatene lolos ema mak sunu ga insidenti.

Leia mais...

Relasiona ho membru Polisia inklui mos membru forsas balun uza motor ho knalpot resin halo barulhu iha sidade laran, tuir Adjuntu Komandante Polisia Tranzitu Nasional, Inspektor Valentino da Silva Soares katak polisia no forsas tenke hatudu ezemplu diak ba iha komunidade sira.

“Lei ne’e serve ba ema hotu-hotu, no ema hotu-hotu tenki hakruk ba lei ne’e, sera ke nia sidadaun ba-bain, sera ke nia membrus polisia ka membrus F-FDTL no membru governu, see deit tenki hakruk ba lei ne’e,” hateten Adjuntu Inspektor da Silva, semana kotuk (10/04) iha Kaikoli, Dili.

Leia mais...

Maske lei reparasaun ba vitima husi 1975 to’o 1999 tama kleur ona iha Parlamentu Nasional (PN) no tau ajenda dalabarak ona maibe to’o agora seidauk aprova tanba ho razaun korum la to’o atu halo diskusaun ba lei ne’e.

“Horbainhira desidi tiha ona iha Parlamentu dehan,atu debate no aprova no ajenda dala hira ona maibe korum mak lato’o hela deit,” hateten Deputadu Bankada Opozisaun Fretilin, Francisco Branco ,semana kotuk (10/04) iha Uma Fukun Dili.
Tuir Deputadu Branco, nia seidauk hatene bainhira mak Parlamentu bele aprova lei ne’e maibe lei ne’e tau ona ajenda meja PN nian.

Leia mais...

Tuir Prezidente da Republika Jose Manuel Ramos Horta,katak kualidade ne’ebe mak forsa labele lakon mak tenke iha kualidade umanismu.

“Hau nia liafuan importante mak ne’e ita bele iha edifisius, ita bele iha training oin-oin maibe kualidade ida ke forsa labele lakon, mak forsa tenki kaer kualidade ita nia umanismu,” hateten Prezidente Horta, semana kotuk (03/04) iha serimonia inagurasaun edifisiu foun F-FDTL nian iha Fatu-hada, Dili.

Leia mais...

Organizasaun Internasional ba Migrasoens (IOM) fo treinamentu trafiku umanu nian ba membru Polisia Nasional Timor Leste  no Organizasaun Non Govermentais (ONG) sira iha Distritu Oe-Cusse, durante semana ida (9-13/04) ho intesaun atu hametin konesementu  kona ba pratika no prosesu trafiku umanu.

Kordenador Treinamentu Calilo Alves, hateten hare ba idade nasaun Timor-Leste ne’ebe sei nurak, fasil atu monu ba tentativa  trafiku umanu, tanba ne’e maka IOM halo  treinamentu hanesan meios prevensaun, hodi sidadaun la bele sai vitima.

Leia mais...

Atu Membru Forsa Defeza Timor-Leste (F-FDTL) bele halo atuasaun ho diak liu tan no bele hadomi povu, Instituisaun F-FDTL presiza hasa’e liu tan edukasaun sivika ba membru sira.

“Forsa nia tradisaun ne’e povu maka fo forsas, tanba ne’e maka ami nia esforsu hotu-hotu halo para forsa ida ne’e tenki hanesan buat ida nebe maka povu fiar, povu hadomi, para atinzi objective ida ne’e prezisa edukasaun no buka formasaun oin-oin para tuir, atu hasae tan edukasaun sivika alende treinamentu,” hateten Xefe Estadu Maior Falur Rate Laek, semana kotuk, (03/04) iha inagurasaun edifisiu Ministeriu Defeza, Fatu-Hada, Dili.

Leia mais...